|
| 呢個月真係發生o左好多事, 真係覺得好tired! 1) 22/9睇完私家醫生, 聽醫生話搵番原本有follow-up既瑪麗醫院跟進, 但係竟然話唔關佢o地事, 要我搵ultrasound department, 搵到另一邊又話係另一邊負責, 都唔知想點? 2) 24/9終於肚痛到頂唔住, 自己去屯門醫院睇急症, 點知就比人send o左入廠...住o左3日, 仲要比人開o左3個窿做檢查... 3) 之後繼續返屯門醫院follow-up, 至15/10又因為突發事故要去屯門醫院睇急症...16/10又follow-up, 跟住掟o左我去另一度 4) 唔記得幾多號又要睇私家醫生, 因為皮膚敏感, 但係連醫生都唔知對乜敏感, 攪到成身都起o左紅色一粒粒 5) 27/10又要入屯門醫院急症, 證實胃抽筋...28/10瑪麗醫院follow-up...29/10到另一度follow-up 呢段時間真係疲於崩命, 可惜老細仲唔體諒, 成日都話我應該拎長假休息, 可惜醫生唔覺有乜問題, 每次我咁講都話番我轉頭...仲要o係咁唔舒服o既時間, 老公唔係發脾氣, 就係成日搵藉口話我...真係唔明白點解佢會咁盲目成日都睇唔到milky既問題係邊度? 我同佢講, 又要比佢話我點解對佢屋企人咁不滿, 但係事實上真係有問題, 佢幾時先可以醒覺? 仲枉佢係一個社工? | | |
| 今日又SL, 真係好肚痛, 痛得越o黎越緊要, 睇o左咁多次醫生, 屯門醫院、瑪麗醫院、私家醫生兼照埋兩次X-ray都唔知仲乜事, 真係有D鬧...不過今日個私家醫生好好, 真係幫我check好多o野, 又同我傾o左好耐, 真係好好...雖然都冇葯可以食, 不過心理上已經好o左好多啦...! | | |
| 補10-11/9/2009 澳門旅行 今次雖然都係去澳門旅行, 但係感覺好特別, 因為再唔係去D出名o既地方, 而係跟住之前換o左新假期o既一本澳門旅遊書周圍去食o野and買D特別手信... 第一日(後段微雨): 澳門中區(買o左D特別手信)→食o左魚湯粉(好甜)→威尼斯人渡假村(好大、好靚、D o野都好貴)→氹仔(食豬扒包、葡撻)→返酒店休息(唔係好高級o既酒店, 不過冇所謂)→新濠天地(睇天幕, 好正!)→食o左咖喱牛腩麵(都唔錯)→返酒店sleep sleep 第二日(好大雨): 酒店breakfast buffet(麻麻地, 冇乜o野食)→新葡京(老公鍾意o左玩老虎機呢)→新馬路(買手信)→漁人碼頭(D建築物起好啦, 不過個巴比倫賭場冇乜好玩, 老公又玩老虎機啦)→新濠天地(老公再去玩老虎機呢, 跟住就食o左裡面o既buffet, 好平, 不過都冇乜o野食, 飲o既o野都冇)→返屋企啦 雖然唔係去名勝地點, 不過老公同我都覺得幾好玩, 如果天氣好D就仲好, 但係老公都決定過幾個月再去(肯定係玩老虎機上癮呢!) | | |
| 今日第一次去SW retreat, 期間諗o左好多o野, 經過o左今日, 發覺原來自己唔開心o既地步已經超越o左自己的baseline好多好多...工作好辛苦, 做得耐o既同事成日都好似當權者一樣, 永遠堅持自己一套...返到屋企又要對住milky...自己又唔舒服...仲要加埋個成日覺得自己唔會有錯o既老公, 永遠都覺得係我錯或者係人o地錯, 永遠比唔到意見佢, 因為每次講完一定比佢話到狗血淋頭, 仲分分鐘當我有精神病...成日都迫我陪佢餵街貓, 就算我唔舒服都一樣, 每次都唔聽我講, 次次陪佢都浪費我個幾鐘時間唔知做乜?...佢成日都話自己對我好好, 事實係佢成日都迫我改變我o既習慣、我o既喜好o黎就佢, 而佢就一D都冇為我去改變過, 真係人都癲! 好辛苦! 開始越o黎越後悔揀o左呢個人, 以後o既日子真係唔知點算? 再繼續落去自己都會真係需要睇精神科葯... | | |
| 又一段時間冇寫DIARY, 真係好想KEEP住寫, 因為知道如果自己連呢樣o野都放棄埋, 自己D抑鬱就會越o黎越嚴重...最近都有好多事發生o左... 終於過o左試用期, 可惜過o左冇耐就發生一件都唔開心o既事, 因為個case成日都講大話, 每次我解答完佢o既問題, 佢又同第二個社工講話我冇講過, 最後仲話要向我上投訴, 真係好無奈, 亦好唔開心!... 最近開始o左要BB計劃, 但係我就係咁唔爭氣, 不斷睇醫生, 因為個肚不斷咁脹痛, 次次睇完醫生, 照埋X-ray都話唔知仲乜事, 醫生只係次次都話唔建議呢段時間要BB, 仲叫我返瑪麗醫生提早覆診, 懷疑我舊病復發, 好唔開心!...講完比老公聽, 仲比佢鬧o左我一餐, 話係我自己攪成咁...難過!... 近排對住milky覺得越o黎越辛苦, 老公近排睇醫生知道係尿酸過高, 好多o野都唔食得, 但係milky一係就唔洗煮飯, 每次煮完都係4樣o野得一樣老公o岩食, 真係好angry!...對佢個細仔, 就晨早起身包佢最鍾意o既餃子, 仲要包百幾二百隻, 由屯門拎到去藍田比佢, 真係偏心得過份...以為milky凌晨12點幾都唔返o黎, 應該會去佢個細仔度住一晚, 終於可以同老公二人世界, 點知最後又係返o黎, 都唔明白點解佢咁錫佢又唔留o係佢度過o野? 好煩人...因為隻貓要行出行入, 我o地房門都要長開, 但係milky就偏偏最鍾意夜晚行出行入, 成日經過我o地房門都要裝o下, 真係唔知佢識唔識乜o野叫做禮貌? 真係好討厭...幾時先可以比番D二人世界我o地? | | |
|
